Jose Mauro de Vaskonselos – Dəlisov

Məşhur braziliyalı yazıçı Jose Mauro de Vasconcelos-un öz həyat hekayəsindən bəhrələnərək yazdığı “Şəkər portağalı”nı dünyada böyükdən-kiçiyə hər kəs sevərək oxuyub. Romanın baş qəhramanı Zeze balacaların olduğu qədər böyüklərin də qəlbində özünə taxt qurmağı bacarmış sevgi dolu bir uşaqdır.

“Şəkər portağalı”nın ikinci hissəsi olan “Günəşi oyadaq”da Zeze bir qədər böyüyüb. Uşaqlığının əvəzolunmaz dostu şəkər portağalı fidanı artıq yoxdur. Onun yerini tamamilə yeni bir dost alıb – qəlbində kök salmış əziz bir qurbağa.

Seriyanın üçüncü kitabı olan “Dəlisov”da isə artıq Zezenin böyüdüyünü görürük. O, yeniyetməlik dövrünü adlayıb, gənclik illərinə qədəm qoyub. İndi Zeze həyatın sərt həqiqətləri ilə üz-üzədir, haqqını tələb edən, sevgisinə qovuşmağa can atan, azadlığını əldə etməyə çalışan gənc oğlandır.