Məsudə Cabbar – Dinlə məni

Xatirələr… Xatirələrin ən gözəl tərəfi onlara istədiyiniz zaman qayıda bilməyinizdir. Heç kim onları sizdən ala bilməz, sizə qarşı çıxa bilməz. Amma bəzi xatirələr var ki, hər baxanda bir az daha dəyişdiyini görürsən. Yox… Bilmirəm, bəlkə də, dəyişən bizik. Həyata qarşı baxışımız hansısa hadisənin gözümüzdəki yerini dəyişə bilər. Çünki əgər xatirələr dəyişibsə, demək, onlardan əvvəl sən dəyişmisən. İnsan nə qədər çox əşyası olduğunun ancaq yeni mənzilə köçəndə fərqinə varır. Məncə, dünyanın ən kədərli mənzərəsi insanın bir-birindən “köçməsini” izləməkdir.