Osamu Dazai – Yarımçıq insanın etirafları

Osamu Dazai yapon ədəbiyyatının ən tragik və sirli yazıçılarından biridir. Bu əsər onun ən gözəl, çox oxunan və avtobioqrafik romanı sayılır. Əsərin baş qəhrəmanı Yodzo uşaq vaxtlarından cəmiyyətdə özünü tapa bilməyən, ədalətsizliyi, riyakarlığı qəbul edə bilməyən gəncdir. Həyatının müxtəlif vaxtlarında xilası intihar, siqaret, içki, qadınlar və rəssamlıqda görür… Lakin yenə də həyatda heç bir şey onu sevindirə bilmir… Bütün cəmiyyətlərdə bu cür yodzolar mövcuddur. Onların acısı, ağrısı kitabda çox gözəl hiss olunur. Hadisələr o qədər dolğun təsvir olunub ki, oxucunu darıxmağa qoymur!