Metrolara çatdırılma PULSUZDUR
Limunət Əmrahlı – Psixokorreksiya və Sosial Terapiya kitabında psixokorreksiya və sosial terapiyanın ümumi məsələləri, yaranma tarixi və inkişaf mərhələləri, əhatə etdiyi sahələr şərh olunur, bu prosesin geniş təsviri verilir. Psixokorreksiya və terapiya proseduru, onun planlaşdırılması, proqramlaşdırılması, texnoloji sisteminin yaradılması yolları açıqlanır, o cümlədən metodoloji əsasları, istinad etdiyi nəzəriyya, konsepsiya və yanaşmalar izah edilir.
Kitabda əhatə edilən digər məsələlər psixokorreksiyada tətbiq edilən metod, texnika və texnologiyalarla bağlıdır. Bu sırada didaktik-kognitiv, introseptiv-ekstroseptiv, eləcə də terapevtik metodların təsnifatı aparılır. Analitik və psixoanalitik, gestalt, ekzistensial, rasional- emotiv, logoterapevtik, kliyentǝyönəlik, koqnitiv, o cümlədən neyro-linqvistik proqramlaşdırma (NLP) yollarının məzmunu, tatbiqi qaydaları aydınlaşdırılır.
Əsərdə əhatə edilən ən mühüm məsələlərdən biri də psixokorreksiyanın sahələri üzrə verilən praktik nümunələrdir. Bu istiqamətdə koqnitiv və emosional-iradi sahələrin, davra- nışın korreksiyasının proseduru təsvir olunur. Psixoloji bədənin, şəxsiyyətin struktur komponentlərinin, şəxsiyyətlərarası münasibətlər kontekstində ailə və qrup münasibətlərinin korreksiya- terapiya üzrə praktik təcrübələr şərh edilir. Psixokorreksiya nəticələrinin izahı, qiymətləndirilməsi və hesabat sənədlərinin işlənilməsi barədə izahlar verilir.
