Metrolara çatdırılma PULSUZDUR
Necə xoşbəxt olmaq olar? Qəzəbimizi necə cilovlaya bilərik? Gerçək uğur nədir? Qismətimizin öhdəsindən gələ, həyatımızı mənalandıra bilərikmi?
Bütün bu suallara stoasizm fəlsəfəsini mənimsəyərək cavab tapmaq olar. Əlinizdəki kitab antik müdrikliyə doğru irəlilədiyiniz zaman sizə bələdçilik edəcək. Bir çox mədəniyyət adamları, alimlər, aktivistlər, imperatorlar, döyüşçülər, müharibə qəhrəmanları yüz illər boyunca bu fəlsəfədən bəhrələniblər, ondan qaranlıqda çıraq, “döyüş”lərdə silah kimi istifadə ediblər. İndi növbə bizdədir. Stoisizm fəlsəfəsindən faydalanaraq həyatımızı asanlaşdıra, zehnimizi təmizləyə, daha güclü, daha mətin, daha səbatlı, daha müdrik, daha dinc bir insan ola, özümüzü tapa, tanıya bilərik. Üç yüz altmış altı gün… Bir il… Hər gün müxtəlif məsləhətlər, ibarələr, əhvalatlar… İmperator Mark Avreli, Seneka, Epiktet və başqa filosoflar sizinlə birgə addımlayacaq, sizə yoldaşlıq edəcək, çətin vəziyyətə düşdüyünüz, büdrədiyiniz, ümidinizi itirdiyiniz, yorulduğunuz zaman əlinizdən tutacaqlar.
